مهما تبعد يا حبيبى قلبى شايفك
نفسه يلمس كل حاجه من ملامحك
نفسه يقولك كل لحظه آآآآه بحبك
&&
لو بنبعد قلبك بياخدنى معاه
بيمحى وجعه ويحلّى فى عينى الحياه
واما تهمسلى فى خدى وتصالحنى
السعاده بتترسم على ملامحى
&&
بتوصينى آخد بالى من نفسى !!
ما انت نفسى
انت همسى
انت اسمى
انت رسمى
انت كل حاجه حلوه
انت فى دنيتى احلى غنوه
&&
بتوصينى انى اصونك !!
أنا نفسى احلّى الدنيا فى عيونك
انا قلبى عاشقك مفتونك
انا اتربيت على ايديك
شوفت حلاوة الدنيا فيك
بس انت خلّى بالك من حبيبى
اوعى تفكّر تتعبه وتزيد لهيبى
&&
كل ذكرى حلوه بينّا
كل نظره من عيونّا
كل لهفه تهون عشانّا
وتفضل البسمه فى عينيك
&&
هدعيلك دايماً بالسعاده
وتعيش معايا كل ثانيه
انت حبك يا حبيبى
بالنسبالى احلى دنيا
&&
خد قلبى وياك تملّى
واسأله عنك وقولّى
هتلاقيه صاينك كتير
ومهما تغيب عنى ياروحى
هكتم جوايا جروحى
انت حلمى الكبير
نفسى حالاً امحى دموعى
من كتر خوفى عليك
هوعدك دايماً ياروحى
انى هفضل باقيه عليك
وقلبى هيفضل ساكن فيك
#أميره شقير
ليست هناك تعليقات:
إرسال تعليق