(سيب جوابك )
يا حزن يا غلاب
بتدق ليه الباب
وانا يعني كنت اشتكتلك
ارحل بعيد لهناك
وسيب جوابك هنا
لا كنت بستناك
ولا كنت حلمنا
يا وعدي يا مكتوب
بعت ليه حزننا
ياما فرحنا قلوب
والحزن ليه حظنا
لو كل دا محسوب
يبقا رضينا بهمنا
يا حبيبتي اسمعي للاخر
انا فدين الحزن كافر
لو يوم دق بابي
ابعد فيه واعافر
لو كان البعد راحتي
يا حبيبتي انا كنت اسافر
لكني صحيح ضعيف
ومحلتيش غير اصرخ واداري
والصرخه ترقص علي لحن اوتاري
ومن شده حزن لحني
نفسي قبلت اعتزاري
من نظره ليا لنجمه سما
سالت دموعها فضي القمر
والدمعه نزلت فبحر كون
خلته مايته حجر
سامحيني لو يوم رحلت
ورحمت عيني من السهر
ساعتها مفيش انتي وانا
لكني ههرب بالقدر
ولا تجيبي فسيره حبنا
وتقولي حبيته غدر
داللي داق ذل حبيبه
يعيش حياته بحذر
ارحل بعيد لهناك
وسيب جوابك هنا
لا كنت بستناك
ولا كنت حلمنا
احمد محمد عبد الناصر
ليست هناك تعليقات:
إرسال تعليق