بالعربي
فتحت كتاب العاشقين
أدوّر فيه علي اسمي
لقيت اسمي معاه اسمك
في نفس السطر
حروفي شابكه ف حروفك
بلا فاصل بلا نقطه
كفوفهم لامسه في كفوفك
لا بينهم قوس ولا شرطه
لقيتهم جمله ومفيده
حروف اسمي مجاوره البدر
عاشقك فصل في روايه
واحبك شطر في قصيده
واحبك حتي لوكنتي
خواطر فيها تنهيده
احب سكوتك القاتل
واحبك يوم تقولي الشعر
احبك بكره وامبارح
وترياقي هواكي اليوم
غرامك جوايا طارح
وقلبي ما عليه من لوم
عشان انتي سما صافيه
مافيها سحاب مافيها غيوم
عايش قلبي بهواكي
وأصدرلي بحبك امر
&&&&&&&&&&&&&&&&&&&&&&&&&&&&&&&&
محمود ناصر
ليست هناك تعليقات:
إرسال تعليق