كتاب الحظ والإسمة
*************************
كتاب الحظ والإسمة حروف بتزوم
بتكتب فى الضلام بسمة فى وسط غيوم
نهار يبكى على ليله وليل يبكى على المقسوم
كتاب فيه الأمل ضايع وشارى الحزن مش بايع جدار مسموم
ولحظة غدر كان مفهوم ونبض القلب عاش مهموم
جراح فيها الألم صاحب ومتصاحب على المحتوم
سواد الحرف من لونه وتوب الظلم تكوينه طريق ملغوم
ندم وهموم عذاب منظوم زمن أسى وفيه كل العلل بتدوم
لا أنا حاضر ولا ماضى ولا عايش ولا مرحوم
محمد سالم
ليست هناك تعليقات:
إرسال تعليق