وحدانى .بقلم أحمد شاهين
وحدانى وعايش وحدانى
والشوق ياما جابنى وودانى
ومشيت فى طريقك ما رجعتش
ما لقيتش لقلبى حببب تانى
وحدانى وعايش وحدانى
وحدانى وراضى بنصيبى
ماانا قلبى بيحبك يا حبيبى
كان نفسى تكون ليا نصيبى
وصحيت على شوقى وأحزانى
وحدانى وعايش وحدانى
يا حبيبى أنا فاكر أيامنا
ضحكتنا سكوتنا وكلامنا
ياما عشنا بنرسم أحلامنا
وزماننا يا ناس هو الجانى
وحدانى وعايش وحدانى
بفتكرك دايمآ على بالى
يا حبيبى وساكن فى خيالى
ياما عشت معاك أغلى أمالى
وهتفضل ساكن فى كيانى
وحدانى وعايش وحدانى
كلمات / أحمد شاهين
5 / 2 / 2016
م . ش . ع
ليست هناك تعليقات:
إرسال تعليق