بستانك
..........
من غير ما ح أستاذنك. ..انا بنسحب بهدوء!!
مش قادر آطمنك. ..و حياتى ليكى تروق!!
...........
الغلطه مش غلطتك...انا بعترف بيها!
انا اللى جيت سكتك. ..و مشيت خطاويها
يعنى دخولى ف حياتك...زى الخروج بالظبط!
و كلامى يشبه سكاتك...و الكلمه ناسيها!
...........
ايه يعني لما أعشق. ..ولا أدوب تانى؟
لو تسكتي و اسمعك....غنوه بألحانى؟!
و انتى شعور واضح...قلبك على كيفك
و انا لسه ف امبارح. ..لو كنتى حسانى!!!
...........
ما اقدرش اقولك غلط...لو حتى شاطبانى!
أنا بالألم مرتبط....و حروفه واجعانى!
لكن انا بشكرك...على حلم عشته كبير!
و تملى ح استنظرك...نفسى اتوجع تانى!
...............
...... عاطف عبد الحميد. ...
ليست هناك تعليقات:
إرسال تعليق