((إيه ياوزاره ))...الشاعر / يحيي المصرى

((إيه ياوزاره ))

إيــــــــــــــــــــه ياوزاره...

كُنتى ف ماضى أحلى إداره ...

عِلم وَفير موصول بمَهــــــاره...

مِنِّه شربت وصِرت شَرَاره 

لُغه عربيّه بأحلى عباره ...

فيكى العِلم بدون قَتَّاره...

والطُلّاب تَحويها بشاره...

.................................

كانت الحِكمه تسيل من نَبعِك ...

مين ياوزاره ماكانش متابِعك ...

ياما شرِبنا كثير من عِلمك ...

حـُبِّك عَدلِك ضـِحكِك سـَنِّك ...

ليه دلوقتى انا منِّك باكى ...

قلمى و سَطرى منِّك شاكى ...

فينها علومك فين دلوقتى ...

ياللى شريكتى ف حِيرتى وديقتى ...

والطُلّاب ليه مابتـــــــفهمشى...

فِيكى إداره ومابتُحكُمشى ...

طالب داخل حَبَّه ويمشى ...

دَمعِة عِينى غادرت رِمشى ...

من أفعالِك أنا مابانامشى ...

فينها علومك فين مَبادئنا...

طار العِلم وجهل سابقنا...

آه ياإداره انا أيوه بالومك ...

فينها قِيَمنا ف بحر غيومك ...

كنتى الأصل وكُنـَّا الصوره ...

كنتى زمان انتى الإُسطوره ...

فين النشء وجيلنا الصالح ...

ليه لأخلاقنا ما بنتصالح ...

فين قُرآنّا ف قلب عُلومنا ...

فين سُنِّتنا ف بحر غيومنا ...

نِبدِل ليه الحَق بباطل ...

ليه فى لُغاتنا ليه بنماطل ...

خـِرِّيخ مِنِّك قاعد عاطل ...

عُودى لتوبك يوم ياوزاره ...

قبل مانُدخُل جُوّه مَغاره ...

كُنتى الأصل وأحلى إداره ...

................................

تعريف الشاعر / يحيي المصرى

البقيه لدى الشاعر 

فكرة (أحد الأساتذه )