نقط
من ديواني سر الحبق
==============
تا تصير حلوه كلمتي------عم برسمك فيها
مره مثل شمس العمر-----ومره حلم للروح
ومره عم اتركها نقط---انتي اختاريها
وبعرف خيالك لو سرح--بيملا حياتي بالفرح
فِيُّو الجراءة كلها----تمنيت لو أُصَلّها
وع شكل هالليل ال بعينيكِ انسكبْ
بسكب حياتي خيوط وبلون الذهب
تا تطرزي شالك---وتا عيش بخيالك
وان فضل منهم خيط--شِكّيه بالعروه
بلكي لقلبك جار بيصّفي--وعني الحكي يوفي
بيكفه شو طالو---بهالعمر نيالو
شم العنق شمه----وضم المرج ضمه
تْعطَّرْ بْنهْداتك تا حلف بحياتك
بعدو لجد اليوم متدفّي
-----------------------------------------
بقلمي راضي مشيلح
ليست هناك تعليقات:
إرسال تعليق