..
الكـل ليـــه بيبيـــع كــده..؟
ماسمعنا عن حـــد إشترى..
الكل ليه ظــالــم أووووى...
إللى طغــى وإللى إفتــرى..
مـــاالدنيــا دى هـــى كـــده..
مســـتغـربين ليـــه ياترى..؟
..
إللــى بيخلــص بتخونــوه..
وبـتتقنــوا دور الخسيــس..
ده يوسف إخواته رمـــوه..
والديب ماقطعش القميص..
الديب بــرئ.....همـا كـلوه..
وباعوه ف سوقهم بالرخيص..
أنا عايزه أسيب الدنيا دى..
وأطلع أعيش ف المشترى..
الكـل ليـــه بيبيــــع كــده..؟
ماسمعنا عن حـــد إشترى..
...
العــــادى إنـــــك تتحـــرق..
بشرط يـــوم ماتقولش آه..
والعـــــادى إنـــك تتسـرق..
منك حقوقك ف الحيــــاة..
أمـا الجبـان يصبــح بطـــل..
والســاحــه تبقــى للغـــواه..
وإبن الأصول طبعاً يمــوت..
وينـــدفـــن تحــت الثـــرى..
الكـل ليـــه بيبيــــع كــده..؟
ماسمعنا عن حـــد إشترى..
..
فــن الخيـــانه ف طبعنـا..
بمــرض القسـاوه بنبتــلي..
كــم ســــد بيــنـا بيتبنـــا..!!
وحبـه حبـه الســور عِلــي..
والغــالــي يتباع وببـــلاش..
أمــا الــرخيص تمنَــه غِلي..
يــادنيـــا عليتــي العــويـل..
راســمـة عـلينــا المــنظـره..
الكـل ليـــه بيبيــــع كــده..؟
ماسمعنا عن حـــد إشترى..
..
بقلم : ولاء عدنان
ليست هناك تعليقات:
إرسال تعليق