تتمرجح العجلات
يتهز عرش الزمن
يرجع نيوتن يلقي تفاحته اللي وقعت
راجعه تاني لغصنها
ترجع هاميس للنيل
ماترميش نفسها
يرفض اللون الربيعي انه يسكن ف الشجر
تكتر الغربان ويطلع
من جديد ابو زيد هلالي
يرمي حضن الأرض ناس مارتحلهاش
ساعات
ساعات باحلم اكون فارس
واشد لجامى بالقوه
اغوص فى المد كالفيضان ما ليش وقفه
اعبى الريح فى صدرى واطير كما الريشه
ما بيحوشنيش جدار اعمى
ساعات باحلم اكون الضى فى العتمه
اكون النسمه فى الكتمه
اكون فارس على ضهر الخيول رماح
وتسكنى ايدين ابو زيد
وسيف عنتر واشعاره
امد الجسر فوق الخندق المستنى زواره
اشيل الزينه من جوا القلوب تدبل
ويصحى النبت من تانى
ساعات باحلم اكون .....لكن
على الأحلام مانيش فارس
انا من حلم متكون بنبتايه
لكنه فى قلبى شئ موجود مالوش اخر
يا ريت يقدر فى يوم يبقى اللى مستنيه
يا دنيه ضحك وكوارث
منين نقدر نجيب فارس
احمد الحلي
ليست هناك تعليقات:
إرسال تعليق