مخاصم كل شئ فيا
مخاصم حتى تكويني
ورافض فرحتي لو جت
وعاشق دمعتي ف عيني
مسافر جوه بحر الصمت
مهاجر كل أحلامي
مغادر بر ماله شط
مقاطع كل ايامي
وده العادي عشان الصبر
فارقني
ف سارق توهه جوه الوقت
بدال م الوقت يسرقني
ومش عارف ف مره انام
ف أحضانكوا
وصوت انفاسكوا بخداعكوا
بيحرقني
وبحر غويط بلا عنوان يغرقني
هيبقى نعيم
قصاد عينكوا اللي بتهني
بنظرة كدب جواكوا
وشايفوا صريح
فقولت لقلبي ينساكوا
بدون تجريح
فردت شراعي سلمته
لسكة ريح
توديني وترميني لأي مكان
ملوش عنوان
ميوصلهوش بريق اللمعه ف عيونكوا
ولا يوصل صدى صوتكوا
وراحل من غربتي بينكوا
لغربه ارسمها بأديا بدون ألوان....
ليست هناك تعليقات:
إرسال تعليق