زمني الآن شرم برم وزمني زمان تراللي
زمان فقيرنا لما بيفرح من فرحته بيقول ياحلولي
وناس بتغني أمان يالاللي وجوز قضبان وترام وتروللي
والأتوبيس بتلات تبواب والكستور إتواب إتواب
والاصحاب كانو أعز اصحاب وإن يتعاتبوا عتاب أحباب
كان حتى عتابهم دمه خفيف يديك المعنى في نص رغيف
وزمني زمان زمن الأفلام كان يتقال فيها أحلى كلام
عزيز عثمان أخدوه لبنان وهناك عشوه
إن قال بلاليكة بشارة واكيم بيقول بلا شو
وراح بلاليكة عشق كاريوكا وطبلها على دومّة وتكة
عشان ماهو سكة راح إداها سكة وقال وانا مالي لايمني الفكة
وسي النبي حارسه أنور وجدي فى ليلة عرسه بدران حبسه
بكرة الكونت دي مونت كريستو هياخد حقه وحق عروسته
وسلامة بسلامته آهو لف بلاد يصرخ وينادي محمود وجهاد
وحرب تتار وهولاكو جبار مع خوذة ودرع وسيف بتار
وسيف بلطاى دبح أقطاي بعدها بلطاي شوفوا مات إزاي
افلامنا زمان كده غير دلوقتى بيبدأ فيلم ويخلص وقتى
وبطل الفيلم ده واد حشاش ومعاه رقاصه وكام رشاش
يايكون عبده وشهرته موتة يايكون واحد إسمة القشاش
والتصوير فى شقوق الحارة يانهار خارجي فى أبو رواش
فين ايام آسيا وشاهين طب فين فيلم صلاح الدين
كان أحمد مظهر دايما يظهر وقت الجد فارس مغوار
قال للغرب فى وقت الحرب إن تيجوا بلادنا تيجوا زوار
وصلاح نظمي تخاف أعاديه من وشه الصارم
والعوام إن يوم راح سوريا بيوصل عايم
ومليجى بيحاكم الأخت لويزا رماها بزور وكلام ماله عوزه
واحمد لوكسر جوز فرجينيا رينو السفاح آهو خرب الدنيا
وجمال فرجِينيا زى الدنيا آخره زوال
وعمك ريتشارد بعد حروبه سلم فى الحال
قصر كلامنا كانت أفلامنا فى ماضى زمانا فتيل أحلامنا
أما أغاني زمان ياخوانا تخش قلوبنا قبل ودانا
سومه وحليم وكلام يتغنى وفايزه تغنى لتمر الحنه
تعالى دلوقت اسمع أغانينا تعالى شوف حالنا وابكى علينا
إللى يفحر وإللي يمحر واللى بيرغي كتير ويلت
واللى يغني بكل بجاحة يغني يقول هاتي بوسة يابت
ياأهل المغنى كفاية أغاني أبوس فى دماغكو دماغي وجعاني
آدي زمانا وآدى سوء حاله وآدى زمني زمان وده سر جماله
غنوه وقالها سمعه زمان ومحمد فوزى وبوحه كمان
زمنى زمان كدة غير دلوقتى ياريت يازمان تيجي دجلوقتي
بقلم طارق السيد
زمان فقيرنا لما بيفرح من فرحته بيقول ياحلولي
وناس بتغني أمان يالاللي وجوز قضبان وترام وتروللي
والأتوبيس بتلات تبواب والكستور إتواب إتواب
والاصحاب كانو أعز اصحاب وإن يتعاتبوا عتاب أحباب
كان حتى عتابهم دمه خفيف يديك المعنى في نص رغيف
وزمني زمان زمن الأفلام كان يتقال فيها أحلى كلام
عزيز عثمان أخدوه لبنان وهناك عشوه
إن قال بلاليكة بشارة واكيم بيقول بلا شو
وراح بلاليكة عشق كاريوكا وطبلها على دومّة وتكة
عشان ماهو سكة راح إداها سكة وقال وانا مالي لايمني الفكة
وسي النبي حارسه أنور وجدي فى ليلة عرسه بدران حبسه
بكرة الكونت دي مونت كريستو هياخد حقه وحق عروسته
وسلامة بسلامته آهو لف بلاد يصرخ وينادي محمود وجهاد
وحرب تتار وهولاكو جبار مع خوذة ودرع وسيف بتار
وسيف بلطاى دبح أقطاي بعدها بلطاي شوفوا مات إزاي
افلامنا زمان كده غير دلوقتى بيبدأ فيلم ويخلص وقتى
وبطل الفيلم ده واد حشاش ومعاه رقاصه وكام رشاش
يايكون عبده وشهرته موتة يايكون واحد إسمة القشاش
والتصوير فى شقوق الحارة يانهار خارجي فى أبو رواش
فين ايام آسيا وشاهين طب فين فيلم صلاح الدين
كان أحمد مظهر دايما يظهر وقت الجد فارس مغوار
قال للغرب فى وقت الحرب إن تيجوا بلادنا تيجوا زوار
وصلاح نظمي تخاف أعاديه من وشه الصارم
والعوام إن يوم راح سوريا بيوصل عايم
ومليجى بيحاكم الأخت لويزا رماها بزور وكلام ماله عوزه
واحمد لوكسر جوز فرجينيا رينو السفاح آهو خرب الدنيا
وجمال فرجِينيا زى الدنيا آخره زوال
وعمك ريتشارد بعد حروبه سلم فى الحال
قصر كلامنا كانت أفلامنا فى ماضى زمانا فتيل أحلامنا
أما أغاني زمان ياخوانا تخش قلوبنا قبل ودانا
سومه وحليم وكلام يتغنى وفايزه تغنى لتمر الحنه
تعالى دلوقت اسمع أغانينا تعالى شوف حالنا وابكى علينا
إللى يفحر وإللي يمحر واللى بيرغي كتير ويلت
واللى يغني بكل بجاحة يغني يقول هاتي بوسة يابت
ياأهل المغنى كفاية أغاني أبوس فى دماغكو دماغي وجعاني
آدي زمانا وآدى سوء حاله وآدى زمني زمان وده سر جماله
غنوه وقالها سمعه زمان ومحمد فوزى وبوحه كمان
زمنى زمان كدة غير دلوقتى ياريت يازمان تيجي دجلوقتي
بقلم طارق السيد
ليست هناك تعليقات:
إرسال تعليق