قصيدة ( أحساس ملخبط )
حاسس بحاجه جوايه
تبكيني تفرحني
تدلعنى وتصرخ فيا بكفايه
لكنى منيش بعرفها
غير أنى حاسسها وخدانى
واحساسى أكيد صادق ومكدبشى
أنا إل الوصف تاه منى
لكنه معايه مهربشى
ححاول أوصفه تانى
حاسس بحاجه جوايه
بتعسر قلبى ميت مره
تفرح عينى تسعدها
تدوق حلقى من مره
لكن أيه هى معرفش
غير إن الدمعه وحشانى
نقول تانى
حاسس بحاجه جوايه
تبكى قبل م اتفرح
تزيد الدمع وتسرح
وتنده ضحكه جوانى
ومش عارف تكون ازاى
غير أنى حاسسها وخدانى
ومتلخبط أنا قلمي
ما بين فرحى وبين ندمى
وبين سعدى وبين المى
يكنش جنون بأحساسى
يكنش سخونه فى راسي
خلت كلمتى خافت
راحت ماشيه وسيبانى
طب ازاى
وهى معايه وف عينى
وأسوارها محوطانى
خلاص يله نقول تانى
حاسس بحاجه جوايه
عرفاني وسكنانى
وعجنانى وخبزانى
ودايره تشد وبترخى
فى أوتارك يا وجداني
بتخلط ترعة الفرحة ببحر الحزن
تموتنى متين مره
وترجع تانى تنعانى
وبتسبنى كده شارد
سعات حامى سعات بارد
ع طول الخط معندانى
نفسى تتوه وتنسانى
وكيف يكون
وهى بكتاب الحياه
فى اول صفحه عنوانى
# الطيب عوض احمد
20/3/2016م
ليست هناك تعليقات:
إرسال تعليق