خبى عن قلبى دموعك
د الفراق هو الطريق
ها ستنى ديما يوم رجوعك
والقلب فى بحورك غريق
ذكرياتنا لسه باقيه
محفورة ع السنين
عند شجرة عند ساقية
الحروف متجمعين
القلب منه السهم
موصل الحرفين
بس يوم ما تسيبنى قولى
علشان تشوفك عيونى
د انت فى القلب تملى
وفيك ما خابت ظنونى
فاكر اول يوم قابلتك
كنت محتاجه للحنان
روحت فارد ليا ضلك
شوفت تحتيه الامان
ساعتها قلبى راح يقولك
جوايا صورتك من زمان
فضلت طول الليل افكر
توهت فى بحر الليالى
هواك خلى عيونى تسهر
وحبك غيرلى حالى
ارجوك تخبى دمعك
الفراق هو الطريق
حتى فى سكوتك
قلبى سامعك
وياما نورلك طريق
لو عليا مش هافوتك
وعشانك راح اضحى
ليه بتقتلنى بسكوتك
الفراق حيزيد فى جرحى
انا خلصت الدموع
واللى باقى منها نار
د بعدك هيكويلى الضلوع
واقعد اسهر ليل طويل
بس طب ايه السبب
فى الدموع الغالية ديا
طول ما الفراق بس انكتب
وقلوبنا كانت الضحية
ذكرياتنا لسه باقيه
مش ها تمحيها السنين
عند شجرة عندساقية
الحروف
متجمعين
----------محمودعمار الزلبانى
ليست هناك تعليقات:
إرسال تعليق