صباحك جميل
@@@@@@@@@
نفسك أجملك وقولك جميل
وافنس وادور وجيب الدليل
وقولك حلوتك وقولك جمالك
وقولك ماشفتش ف وصفك مثيل
وتفرح جنابك بحبة نفاق
وتنفخ ف صدرك وتعمل تقيل
وتشعر بأنك فريد الزمان
وراسك تعدي شواشي النخيل
برحتك شويه يا فارد قلوعك
وماشي ف سكه وخايف تشيل
لأنك أناني وكاره زمانك
هتفضل لوحدك وعايش بخيل
غرورك ف نفسك يضرك كتير
وقلبك هيتعب ويفضل عليل
يا ريتك تفكر وترجع لعقلك
ف إيدك تدور تشوف البديل
هتسعد حبايبك وتسعد زمانك
ويطلع صباحك منور جميل
@@@@@@@@
بقلم // طه إبراهيم
ليست هناك تعليقات:
إرسال تعليق