يمكن !!!
***
**
*
يمكن عشان كان نفسي
اشوفكْ
وعيوني تِلمح نظرتِِكْ
ووداني تسمع همسِتكْ
والقلب بيدق بِحروفِِكْ
يمكن عشان الشّمع لما ...
نوره قرب ينطِفي
ولّا عشان الورد لمّا ........
ورده منه هتختفي
ولّا عشان الهجر ِ منّك....
قلبي منّّه هيكتفي
يمكن عشان خايف عليكي
وعمري كله عشته ليكي
وروحي هايمه ف السما
ماهي أصل هِيّا مِِش أنا
كان نفسها تقبّل إيديكي
يمكن عشان انا حبي ليكي
ما يتنسيش
ونفسي اشوفك فاهمه قصدي
ما فهمانيش
أصل الحياه من غيرك إنتي
ما تساويش
إنتي دنيا فيها قلبي مات وعاش
إنتي روح سكنت ف قلبي مشفتهاش
وعشان كده عاوز اقول لك
متغيبيش
*******
عبد الفتاح عبد الشافي
ليست هناك تعليقات:
إرسال تعليق