اغنية متفكرونيش
متفكرونيش بللي حصلي متفكرونيش
متكلمونيش عللي هجرني متكلمونيش
سابني وحداني وبقاسي
نار الهجران
والقلب اتكسّر 100 حته
تعبان حيران
وراني الويل سهرني الليل
ومنيمنيش
متفكرونيش بللي حصلي متفكرونيش
الروح انا كنت واهبهاله
كات ملك ايديه
اشواق القلب ابعتهاله
وتحوم حواليه
تبعتله سلام. وبقالي مقام
وبقيت درويش
متفكرونيش بللي حصلي متفكرونيش
عاهدني وهو رافع ايده
يفضل جنبي
يسقيني حنانه وانا ازيده
من كاس حبي
عاهدني العهد اداني الوعد
اننا مع بعض. لابد نعيش
متفكرونيش بللي حصلي متفكرونيش
اتاريه غدار سابني وسافر
ولا ساب عنوان
وغرامي من جواه هاجر
من قلبه كمان
اداني معاد. وبقينا بعاد
ولاول مره يروح ميجيش
متفكرونيش بللي حصلي متفكرونيش
متكلمونيش عللي هجرني متكلمونيش
محمود ناصر
ليست هناك تعليقات:
إرسال تعليق