يا مقسم الارزاق
أنا صاحي من بدري
شايف الامل براق
ساعة الضحي بدري
واللي يأمن بيك
يعيش سعيد البال
ان جاتله لحظة هم
تلقي الفرج بدري
الدنيا كفتين ميزان
دايما ترفع الناقص
وفيها كل صنف ولون
حكيم الفكر والناقص
فما تقفلش ابوابك
عشان جاهل تسودها
ولو حتي تعيش وحدك
فراق الندل بالناقص
يا مركبي التايهة
غاب عن عنيكي الشط
ولا انتي غرقانة
وبحرك بعيد الشط
بكره الامل يطرح
من فوق أراضي بور
وساعتها راح ترسي
بين الرمال والشط
ليست هناك تعليقات:
إرسال تعليق