الباز أفندي
واحد حلانجي.
وعايش ف دور
جيفارا وغاندي .
محلاس
متودك ف الصنعة .
ولا اجدعها لومنجي .
يشوف فين
رايحة الموجة .
ودوغري اووام
يبقي برنجي .
يشتغل أيوها حد .
ب حكاوي قرع
جديد لانجي .
لو الطالع علماني .
يسمع نانسي .
ويسمع ساندي .
وإن كان الوضع ديني .
يقلب درويش أسفنجي .
مع أنه ف الأصل فلاتي .
صاحب كأس ونسوانجي .
قابلته مرة علي قهوة .
نصحته زعل .
قاللي غور
ومشاريبك عندي !
👇 بقلم
👇هاني حزين
ليست هناك تعليقات:
إرسال تعليق