فى قلبى هموم . غُنا شعبى . بقلم \ أحمد شاهين
فى قلبى هموم . ما تتعدش . ما تتعدش
وابات مظلوم واقول طنش . ما انا مِطنش
مسيرها فى يوم هتضحك لك
خلاص إنسى بقى وفرفش
فى قلبى هموم . ما تتعدش
يعدى اليوم ورا التانى
و ما بتخلص أحزانى
وبرضه ظروفى خنقانى
وأفرب ناس ما بتودش
فى قلبى هموم . ما تتعدش
وهى الدنيا جرى فيها أيه
بتظلمنا يا ناس كدا ليه
فقيرها ليه يدوسوا عليه
وظالمها ما بتهدش
فى قلبى هموم . ما تتعدش
قفلتى فى وشى باب ورا باب
معندانى بدون أسباب
وعِجزت وكنت شباب
ووشى م الدموع كرمش
فى قلبى هموم . ما تتعدش
بلاش أضحك على نفسى
وأقول مبسوط
وكل حاجه أه فى نِفسى
لكن بشروط
خلاص فى الجنه ما يهمش
فى قلبى هموم . ما تتعدش. ما تتعدش
وابات مظلوم وأقول طنش .ما انا مطنش
مسيرها فى يوم هتضحك لك
خلاص إنسى بقى وفرفش
فى قلبى هموم . ما تتعدش
كلمات \ أحمد شاهين
26 \ 3 \ 2016
م . ش . ع
ليست هناك تعليقات:
إرسال تعليق