.... مش مهم .....
مش مهم
عندى كل الدنيا بَعدك
يا أعز واغلى حلم
المهم
هو اكمل عمرى جمبك
والمراد منك يتم
أحلى كل الكون معاك
ياللى قلبى من هواك
تاب وأجبرنى إنى اقولها
قلبى مش رايد سواك
يا الملاك يا أهم عِلم
مش مهم
ياللى إحساس الحياة
كانلى بس وعشته بيك
الطريق اللى مشيناه
زادنى أكتر حُب ليك
خدنى اكتر للأمان
أملى وأُحضنى كمان
خلى كل الناس يقولوا
إحنا أجمل حُب كان
واللى كان قبلينا فيلم
مش مهم
كل شىء ف الكون حبيبى
يسوا إيه من غير لقاك
دا إنت فين ما تكون حبيبى
روحى بتروحلك هناك
ببقى شايفك وابقى حاسك
وبحنايا القلب لمسك
حتى لو تسكت حبيبى
بسمع الداير ف نفسك
ياللى إسمك أحلى إسم
مش مهم
# كرم شحات #
ليست هناك تعليقات:
إرسال تعليق