------------------وبعدين معاك يا زمان------------------
وبعدين معاك يا زمان
تخدنى شويه وتودينى
أنا الصابر مين يواسينى
الفرح هجرنى و تاه منى
وبعدين معاك يا زمان
وأكتم فى صدرى مين فاكرنى
أنا المجروح وقلبى جوايا ناكرنى
بكتب حروفى وحروفى أقوى منى
وبعدين معاك يا زمان
والزمان ده عمره ما كان زمنى
ودموعى بتشكى وسايله على خدى
بتقول أه أه عليك يا كل أملى
وبعدين معاك يا زمان
والناس باصه عليا تقول سلامتك يا ولدى
وأنا من حزنى ببكى يا ناس على نفسى
غداره يا دنيا مات فيكى ليه حلمى
وبعدين معاك يا زمان
وأملى أصبح سراب وزاد همى
يا خساره على حلم مات يا ناس كدا قبلى
يا بحر يشوف نهايتى على موجك أنت تدرى
وبعدين معاك يا زمان
يا ما دموعى سالت فيك وأنت كاتم جواك سرى
عارف يا بحر بكل وجعى أنا سلمت لله أمرى
وأكتب لك رساله تحكيها للناس بعدى
وبعدين معاك يا زمان
أنى صبرت لحد الصبر ماتعب منى
والأهات نسيت كل الناس وما رحمتنى
يارب أنا المجروح ومش قادر أخبى
وبعدين معاك يا زمان
الشاعر / على فياض البلصفورى
قطرات الندى
ليست هناك تعليقات:
إرسال تعليق