؛؛؛؛؛؛؛؛؛؛؛؛؛؛؛؛؛؛؛ { أنا بعترف } ؛؛؛؛؛؛؛؛؛؛؛؛؛؛؛؛؛؛؛؛؛؛
النهارده يا حبيبي ...............
قلبي لك راح يعترف .
إن قربك مني خلي ...............
للحياة لون مختلف .
زوق الدنيا ف عينيا ...............
زي لحن بيتعزف .
تسوي إيه الدنيا ديا ...............
من غير قلوبنا ماتأتلف .
قلبي بيعاهدك ياعمري ............
إني أبدأ بالألف .
والحروف الباقية لك .............
منقوشالك ع الخزف .
وانا بعترف .........!!!
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعترفلك يا حبيبي ..............
عشقي لك كان من حروفك .
عمري ماتمنيتش حاجة ...........
أد ماتمنيت أشوفك .
قلبي يفرح قبل منك .............
لما تتبسم عينيك .
وافضل أسأل روحي عنك .......
إمتي يوم ألمس ايديك .
وأعترفلك باللي حاسه ...........
دا الكلام مايوصفوش .
مستحيل ماتكونشي لامسه ......
أو تكون ما حسيتوش .
أنا بعترفلك الألف .................
والحروف الباقية لك ..............
منقوشالك ع الخزف .
وأنا بعترف .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعترفلك يا حبيبي ...............
إني عاشق همستك .
والاماني اللي ف عينيا ...........
كلها من لمستك .
وكل كلمة من كلامك .............
فيها همسة م الحنين .
والايدين تدفي بسلامك ..........
يفرح القلب الحزين .
وألقي روحي لك تخدني .........
أعترفلك ..... وتعاهدني .........
إني أبدأ بالألف ........
والحروف الباقية لك ..............
منقوشالك ع الخزف .
أنا بعترف .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛ { حمادة مختار } ؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ليست هناك تعليقات:
إرسال تعليق