خلوني.أحلم.com
..
خلوني أحلم..
إن مصر إتغيرت..
وسيبوني أشوفها بعيني مره..
إتحررت..
من آسرها..
من جهلها..
واتشطرت..
وبقت في لجنة الإمتحان..
سطوه وكيان..
مجموعها بين كل الدول..
عدي الـ 200 في الـ 100
وإتعشت كمان..
وإتزينت وإتعطرت..
وسطرت..
فوق جبين العمر..
بقلمها الكريم..
إن الحياه صبحت ترف..
وإن القرف..
رميناه خلاص..
في بحر نسيان..
وإنجرف..
ولا عادش له تاني مكان..
الله عليكي يابلدي..
من فوق السحاب..
شوفتك بقلبي ..
زي مابيقول الكتاب..
ولا كوم زباله..
في كل شارع..
ولا حتي فيه..
ذرة تراب..
ولا ناس بتشتم بعضها..
ولا ناس وشوشها..
وشوش غراب..
وأهو كل يوم..
بيعدي يوم..
مع ساعه فرح..
ويوم هموم..
وعندي حلم ..
كبير يدوم..
ويظهر إني..
كتير حلمت أغيركِ..
وخدني حلمي..
نسيت..
أغير الهدوم..!!!
...
بقلم : ولاء عدنان
ليست هناك تعليقات:
إرسال تعليق