لسه باقي
فيكي حاجه
من زمان
الملامح هي هي
و الخدود المستويه
و الضفاير
حابكه حابكه
زي يوم الامتحان
لسه باقي
فيكي حاجه
من زمان
لسه شايفك
أما كنت
بترسميني
و تحضنيني
و تشنقيني
ع الحطان
لما كنت بتساليني
هو والي عكا
كدبه؟
و لا هو بجد خان
كان جوابي
مش كفايه
التاريخ
فارق معايا
بس كنت بقول
و أجاوب
لاجل م أبقي
في عيونك
حاجه تانيه
مش جبان
لسه باقي
فيكي حاجه
من زمان
ضحتك
كيف الموسيقي
يا رشيقه
نظرتك
واحة أمان
لسه باقي
من حروفك
لغز محتاج
ترجمان
لسه ريحة
العطر نونو
قلبي مش طايق
جنونه
و انت قادرة
و مستبدة
و المكان نفس المكان
لسه باقي
فينا حاجه
من زمان
سيد عبد العليم
ليست هناك تعليقات:
إرسال تعليق