#تخاريف
مغناطيس وبقطب واحد
قطب سلبي يمين شمال
ضد فكر الجاذبيه
صعب يمكن واحتمال
التنافر يبقى نابع
من شعور الغربه فيه
أو بيرفض يبقى تابع
للقانون يربط إيديه
أو صراع ف النفس جوه
بين هروبه بيداريه
جرح نازف ف الحقيقه
بيداويها ب100طريقه
حتى موجب مش لاقيها
يجي يوم تتشد ليه
لو تفكر تبقى منه
فجأه تبقى ضد ليه
جوه دايره عولميه
بين دواير كر ..فر
يجي يحضن نفسه مره
يبقى تايه ف الممر
اللي يوصل للأمان
يلقى حضنه زي عتمه
ميلقيش الشمعدان
فجأه جحر الخوف ينور
فجوة ف القلب الخرافي
مره يبقى طين وبركه
مره يلقى قلبه صافي
فوق شعاع الشمس يركب
فوق سحاب الغد طافي
طرف سالب يجي يجذب
فجأه يكدب يجري حافي
جوه سجن الوحده قاعد
مغناطيس وبقطب واحد
قطب سلبي يمين شمال
ضد فكر الجاذبيه
دي الاجابه بدون سؤال.........
#محمد_تيكو
ليست هناك تعليقات:
إرسال تعليق