بدى وطن
بدى وطن من غير الم
بدى وطن من غير دموع
اصلى فى رحابه فى خشوع
وان جه فى يوم عدو
اكون من اول روح تضيع
نفسي اسالك سؤال
ليه العيشه بقت محال
والرغيف مش لاقى الدقيق
وان لقاه بيبقى على وشه الحريق
ليه يا بلد العيشه مره
نفسي اسميكى يا بلدنا حره
ولا الجوع مكتوب علينا
جوا معدتنا ساكن فينا
يا وطن ليه الفقير منداس
يجرى علي رزقه محتاس
وبالرغم من شقاه
مايسلم من كلام الناس
يا وطن على ايه الومك
على اللى ظلمك
ولا اللى ناهبينك
ناهبين خيرنا وعيشنا
وجوا بطونهم كمان عشنا
ولا كلمه حلوه تفرفشنا
مع كل طلعة شمس
يجينا منادى بهمس
انا اكل ما تشتهى نفسي
وانت كفايه الفول والعدس
اشم ريحة اللحمه فى مناخيري
اتلفت ليكون حد شايفنى
اه يانى نفسي ادوقها
والجوع لوع فى مصارينى
اه منك يا بلدنا
الكل عايش على ريحتك
وان جه على الاكل سيرتك
نقرا الفاتحه على روحها
زى ما اتعودنا
انتى يابلدى الخير فيكى
تحت الارض بنزرعها
وربك يبعت فرجه
من النبته يطلعها
نحصد فيها ونلملم
جوا شكايرنا نعبيها
ونكتب علىنا اسمينا
وييجى واحد يخفيها
ارجع بيتى وبكايا ملينى
والدمع ظاهر على عينى
ادارى فيها ورا ابتسامتى
ومشيلش انا همومى لغيرى
شوفت ازاى يا وطن
ربك كبير وفرجه قريب
وما تزعل منى
يا وطن
كلمات الشاعر / على سالم
ليست هناك تعليقات:
إرسال تعليق