بِنْدوّر
بِنْدوّر دايمًا وسط وشوش
على وش.. نحس انه بيضحك
على وش بشوش
وندقق جدا ف البصة يمكن نلقاه
أو حتى نشوف حاجة تشبه
فنقول الله
من كتر التكشيرة السايدة
وتعقيد الحاجب لتمانيه
وكأن الناس كلها مديونه
وعليها للضحك اقساط
والكل بينفخ ومكشر
ومحدش بقى طايق حد
والجمعة بقى زي السبت
بِنْدوّر ع الضايع منا
والناقص من حلو ضباعنا
جوه وشوش مدهونه بجبس
وعيون بدموعها الشايخ فيها
مبقتش تحس
بِنْدوّر ع التاية منا
وعشمنا زايد ف لُقاه
بنحاول نخدع نفسينا
إن ف حد اكيد وياه
ضحكة زيادة
بس تكون صدقة لله
ليست هناك تعليقات:
إرسال تعليق