ليه................ ؟
ـــــــــــــــــــــــــــــــــ
ليه بنحضن جوانا
الخوف
ليه بنرسم جوه القلب
ميت وشوش
تفضل محاوطه
كل أمانينا برتوش
وما نزعل يترقص
جوانا الأمل
إن بكرة أحلي
وبكرة لما يجيي
يفضل
ملازمنا الخوف
ليه نعيش كل أحلامنا
كوابيس
ونرسم بسمه بهتانه
تطل فوق شفايف مشقوقة
جار عليها الزمن
ما بنعرفش نضحك .........!!
إن ضحكنا شيء مش مألوف
يبقي شيطان متخفي
ورا الضحكة يالطيف
شيء مخيف.......!!
الدموع النازلة
في المواقف الآسرة
يبقي اللهم اجعله خير
ونرجع ونقول ليه ؟؟...
ليه بنداري الفرح في عيونا
ونحب نقسي علي حد منا
وإن ما لاقينا نندار علي نفوسنا
يمكن القسوة شيئ بيخفف همومنا
طب ليه ؟؟؟؟؟؟؟؟؟؟؟؟؟؟؟؟؟؟؟؟؟؟
ــــــــــــــــــــــــــــــــــــــــــــــــــــــــــــــــــــ
بقلمي / محمود مسعود ( عامي ) 10/3/2016م
ليست هناك تعليقات:
إرسال تعليق