يادنيا أخــرة سكتك ..>. مـوديانا لــفين ..>
بتدبل ورود ضحكتك . والزهـر ماله حــزين
ماشين علي خطوتك في محبتك هايمين
تايهين ف عتمة غربتك عن سكة الصالحين
يادنيا أيـه أخـرتك .. غـير الـتراب والــطين
.
عيوبنا بـحــر رمـال ... ذنوبنا صـخر جبال
شاغلنا عـذر المال ... عن الصلاة والدين
متعلقين بحبال . دايبه في سحر الخيال
وكـأن موتنا محال ... وللأبـد .. عـايشين
.
وفي سكتك تايهين عشاق هوي الملايين
اللي انشعل بالمال ... وراكب الليموزين
يصرف يمين وشمال يبخل في حق يتيم
.
وناس عايشة في اللذات .. حبهم للــذات
بيضيعوا في حسنات تنفع في يوم الـدين
طايرين وراالجنيهات ف الأرض والسموات
وبيعشقوا الدولارت عشق بهوس مجانين
.
ويغـنوا فـرحــانين ..... بدنية المـــلايين
وان شافوا رجل الدين قالوا ده يطلع مين
وصراع مابين اقطاب وحرب بين احزاب
في غياب اولي الالباب . اختلت الموزين
.
وان طالت المسافات بين الممات خطوات
وحساب علي مخالفات وفي الكمين ملكين
وبكـره . هتودعي . شياطين وبني ادمين
يصرخ يقول ارجعي عاصي اشتراكي بدين
كلا خلاص انتهت .. ما كنت فيها سنين
كلمات / مسعد ابو همسة
ليست هناك تعليقات:
إرسال تعليق