انا اللى تايه جوا منى
......
انا اللى ماعدش عارفنى
ولا حتى قادر أفهمنى
ولا لاقى اللى يعرفنى
حاسس انى ضايع من سنين
....
كنت بضحك طوب الارض
كنت ماشى دنيتى طول وعرض
وكانت الضحكه عليا فرض
والناس معايا كانوا فرحانين
انا اللى كنت بصنع بايدى الابتسامه
وليا جوا قلوب الناس بالبسمه علامه
ولاعمرى حبيت اعيش فى دور الدراما
بس مش عارف ليه بقيت حزين
.......
غصب عنى مش بإيدى كل ده
ان اعيش حياة متنكده
والامور السالكه تبات معقده
والدموع تدبل العينين
.....
صدقونى كل يوم عن يوم بموت
او بمعنى تانى بيقتلنى السكوت
حاسس انى عايش الدنيا فى تابوت
نفسى تانى فى حياة الفرحانين
.....
نفسى ارجع وترجع فرحتى
والدموع تنشف من على مخدتى
والاقى اللى يونس وحدتى
بجد كرهت وجع الانين
صلاح القناوى
ليست هناك تعليقات:
إرسال تعليق