يا يمه حملك زاد
والدنيا سايقه عناد
مبقتش اشوف ضحكتك
غير بس ف الاعياد
بتمثليها بخوف
وبدمعه تشكى بعاد
حاسك _ورحمة ابوى_
واقفه بدون اوتاد
مليتى من غربتى
بتقولى كفاياك عاد
والله ما بخاطرى
ان انحنى لجلاد
دا زمن ومن قسوته
ينفات لغدره بلاد
يا يمه شقت صخر
اهة وجع ولاااد
ولد الوجع اوجاع
والقهر عم وساد
يايمه هد الحيل
والعين طواها سهاد
انى اشوف دمعتك
تجرى وما ليها نفاد
يا يمه كلى اتهان
ومنعوا عنى الزاد
وقيدونى بقيد
وقالوا م الحساد
وبقينا فيكى ضيوف
باع ارضنا عواد
كان هجرى ليكى عذاب
وهجرك انتى ازداد
اعقل ما فيا جنون
واكتر ما بيا سواد
ما اطهر مافينا عبيد
والانجس الاسياد
يا يمه شدى الحيل
متفكريش ف حداد
دا القلب مهما حزن
بكره بنور ينقاد
#الاثر_المفقود ... عمر على حسن 12/4/2016
ليست هناك تعليقات:
إرسال تعليق