تعالى نمشى أنا وانتى
نقوم الصبح من بدرى
نمشى وسط الغيطان ع الحد
نشوف حلاوة الدنيا بجد
تعالى نحكى حكايتنا
نقول للزرع قصتنا
تحت شجرة الصفصاف
تغطينا نقول مانخاف
نشم زهر اللمون
ونقفل علينا وحدنا الكون
أقولك ع اللى جوايه
واحكيلك كل الحكايه
تدينى انتى حنانك
وأرفع من ع الجبين شالك
وتعرفى ايه اللى أنا مخبى
جوه عيونى وفقلبى
عيونى تبعتلك رسايل
تقولك نفسى ومش طايل
وتمس الخدود يدى
أحس الدنيا ضحكتلى
ليست هناك تعليقات:
إرسال تعليق