# التوهه #
قالوا البيه بيبيع وبيقبض
قلت أنا عادى!!!!!!
لما بلادي تقبل جر
وبحبال الكدب الزايفه
وراه تنجر
يبقى ساعتها البيعه حلال
أمال كيف فى عز البرد
الشعب معاه يموت من الحر
والسر فى قمة اعجازك العلمى
وازاى يبقى الكدب حقيقه
ولجل ما توصل
وتقدر تلغى عقول
فيه ألف طريقه
والغريبه
أن محدش يعرف
فين الخير وفين الشر
لأ والأمر
أن التوهه بحجم البحر
كل ما تصغر تكبر تانى
يبقى خلاص
دوس وانسانى
واكتب وجه رسالتى موتى
دى لو لقيت لى جنونى
ان التوهه
جوه الدنيا وجوه القبر
كانت عنوانى
## الطيب عوض أحمد
ليست هناك تعليقات:
إرسال تعليق