كلمة حبيبتي
*******
إلحقني وإكتب ع السطور
كلمة حبيبتي بطعم تاني
وكل نقطة ف حبرها
هاتها يا قلمي من بلد
إكتبها كلمة قديمة ذكرى
ولا عمري مرة عشتها
إنقشها من حلمي الكبير
حاجة غريبة عن البشر
أما أقولها تحسها
ميحسهاش غير قلبها
والكلمة دي
حضرها جن وروح وطيف
لعنيها بس بيظهروا
تقراها شفافة ف هوا
وإكتبني أنا
جواها ذرة أو جزئ
أو فنتو إن كان يمكنك
علشان ما تعرف أد إيه
غرقان ف حبي لقلبها
إكتب قصيدة بكلمتي
لما ينطقها اللسان
لحظة لقا ألم الفراق
ساعة غضب مر اشتياق
خلاص يا قلمي كتبتها
بتعلم الناس يعشقوا
أرجع وأقول
قلمي الحبيب
ف كل مرة بعتذر
والدرج مفتوح للورق
أدي قصيدة هتلحقه
جنب الخوات حفظا لها
دمي مش ممكن يكون
ف إيدين حبيبة دنيتي
حبة حروف
أو حتى إني أستحمله
يصرخ بقسوة ركنته
فوق الرفوف
*****
فلم /علاء الدين علي
ليست هناك تعليقات:
إرسال تعليق