؛؛
؛؛؛؛{ طمني عليك }؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
طمني عليك دا البال مشغول ..................
والقلب معاك دايما علطول ..................
و العين ف غيابك سهرانه ...................
و الروح بتنادي عليك و تقول .
بكفاية غيابك ياحبيبي .......................
اشتقت إليك .
ابعتلي جوابك ياحبيبي .......................
يطمني عليك .
طمني عليك ياحبيبي .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ياحبيبي ماليش ف الدنيادي .................
غيرك انت وبس اللي قصادي .................
ولا عمر عيوني شافت غيرك .................
حبيتك حب ماهوش عادي .
ف غيابك بتغيب الفرحة ..................
والصورة بتبقي ماهش واضحة ...............
عايش و كإني مانيش عايش .................
ناسي نفسي وروحي المتسامحة .
بكفاية غيابك ياحبيبي ......................
اشتقت إليك .
ابعتلي جوابك ياحبيبي ......................
يطمني عليك .
طمني عليك ياحبيبي .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
طمني عليك و علي غيابك ..................
دا القلب معاك عمره ماسابك ..................
لو واخد علي خاطرك مني ..................
أنا راضي بلومك و عتابك .
و مصالحك ومصالح نفسي ..................
علشان يرجعلي شروق شمسي ................
برجوعك ترجع فرحتنا .....................
وأستناك بكره كما أمسي .
بكفاية غيابك ياحبيبي .....................
إشتقت إليك .
ابعتلي جوابك ياحبيبي ....................
يطمني عليك .
طمني عليك ياحبيبي .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛{ حمادة مختار }؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
....... مع أميرة ألهدوء
ليست هناك تعليقات:
إرسال تعليق