...............جذء من معارضة من غير ليه ................................
عارف كل السهد
ده ليه ياحبيبي
عارف كل ألامي
وأناتي و تنهيدي
علشان انت الغنوة الحلوة
اللى بغنيها
وأنت كمان ورد النسمة
اللى بعيش بيها
وعيونك هى
لحن الكلمة
وجمال معانيها
وأنت أسير الروح ياحبيبي
ونور لياليها
جايين الدنيا وعارفين ليه
ورايحين فين وعاوزين ايه
مقادير مكتوبة لخطاوينا
نمشيها بنوره هادينا مقادير
يوم ترفعنا
ويوم توضعنا
واحنا بنور الأمر
عارفين ليه
زى ما سحرك
ياكل ماليا
ملك الروح
واتحكم فيا
وبقيت بيتي بدل الغربة
قلبي لك وعيونك ليا
وبقيت نفسي
أحضن قلبك
واحلم واصحى
فى نعيم قربك
حتى فى عز أهاتي بحبك
هو الحب جميل كده ليه
ياللى زماني وراني أماني
فى بحر عنيك ورعاني
بحر عنيك
ياحبيبي عميق
بينجي غريق
ويطفي حريق
تبت وتابت قسوتي مني
ياللي حنانك كله غامرني
دنيتي غنوة لك
وتنهيدة لك
ياللي هواك خلاني ملك
لما أعوزك
أنده طيفك فى المنام
أحسب عمري
ألقاه فى الأحلام
ياللي عنيك أسكرت الدنيا
من سحر جفونك
بقول ياسلام
دا أنا قلبي اللى اشترى
وانا دمعي اللى جرى
واما بفكر أحبك اكتر
مابتديني الحب ياغالي
مالقاش الا
سهد ليالي
وربي انا وحده يعلم حالي
حبيبي..آه ياحبيبي
فين الوصل يطفي لهيبي
حبك ديني
وعشقك قدري
ووردك منى عمري وسفري
شايف
طيور الحب
بتبني عشها
من جديد
ياللي عيونك ياحبيبي
تحيي قلوب و تدوب جليد
عايز بكرة تجينا
تنور ظلام ليالينا
تاخذنا من اوهامنا
ياحبيبي وتصحينا
عارف كل الحب ده ليه ياحبيبي
عارف كل آهاتي ودقاتي وتسهيدي
علشان انت
سفينة الدنيا وحداك مراسيها
وانت الروح
ياحبيب الروح وحايها
بقلمى | محمود عبد الخالق عطيه المحامى
ليست هناك تعليقات:
إرسال تعليق