لو كنت زعلان منى
قولى إيه يرضيك
دا بعدك ليله عنى
خلانى ابات اناجيك
أنا لو غلطان سامحنى
واجيلك واعتذر
ياللى خصامك دابحنى
مستنى وبنتظر
فرحوا فيا العوازل
من يوم مهجرتنى
وصحتى فى النازل
مش انا اللى عرفتنى
شاورلى ع الكلام
وقولى ايه زعلك
ومشيت من غير سلام
ولا حتى اودعك
تخاصمنى هصالحك
أنا مين ليا غيرك
وأجرى عليك وروحلك
واسأل عن خط سيرك
سامح متقولش لأ
عمرك ماكنت قاسى
لو حتى ليك الحق
حقك على راسى
منير خاطر
ليست هناك تعليقات:
إرسال تعليق