عروس البحر
يا اجمل بلاد الدنيا عروس البحر يااسكندريــــه
على شطك قابلت جنية طلعت لى من تحت المــــــيه
فارده شعورها بحــــــــنيه راسها كنت راس انسيه
جسمها فى هيكل بلطيه احلى واجمل ماشافت عنيه
اوحت ليه بصدق النيه رحـــــــت ملحن ليها اغنيه
ياام الكون يا اسكندريه عشـــــــــقتك بقلبى وعنيه
ياعش حمام يابنيه دبت فى ســـــــــــحرك والحنيه
كورنيش طويل وجميل ابو قير معموره منشــــــيه
عجمى بيطاش هانوفيل مندره نزهه ابراهيمـــيه
ملكه متوجه فى الليل اجمل برنسيســــــــــه خديويه
الخضره فى كل ربوعـــــــــك ولا الحديقة الدوليه
وقصة ريا وسكينه واكــــــــــــــــــبر مكتبة علميه
والفنار الى كانت عاليه من عجـــــايب الدنيا الفتيه
حضارتك من الف جيل ضـــــامه العراقة والجديه
عرفتها من حبى فيكى من غير ما ادرسها ف كليه
بناكى الاسطورة زمان واداكى اســــــــــمه روميه
من بين الف مدينة ومدينةعشــــان تكونى ام الدنيه
ياعروستى اسمحيلى ابوس ترابك والموج ف الميه
انا عايش فى هواكى قصة حــــــــــــــــــــب ورديه
انا عاشق سحر عيونك من قلبى ليـــــــكى الف تحيه
محمد صبحى الشربينى ابن النيل
ليست هناك تعليقات:
إرسال تعليق