انا كلمات ثروت بكرى
ثروت مصطفى بكرى
ده أسمى
وعبد الناصر المشتركه
مدرستى
وليلى فهيم نظير مرسى
مدرستى
وده من واقع المكتوب على تكته
فى كراستى
وقفت طابور صباح اليوم فى اول يوم
فى دراستى
ودمع العين فاض منى وانا بنشد
نشيد وطنى
ودبيت برجليه ورفعت الأيد وحييت
علم بلدى
واول حصه جه أستاذ الدين
وعلمنى
أحب الواحد القهاروأدعيله
هينصرنى
وعمر لسانى ما يجرح فى يوم
مسلم ولا قبطى
وأبويا وأمى أكون ليهم ولدبار وأرحمهم
هيرحمنى
كبرت وعدت الأيام وصوته دندنه
فى ودنى
ودلوقتى بقول نفس الكلام
لأبنى
يبحلقلى يبرقى كأن كلامى ليه
هندى
أقوله فين كتاب الدين أذاكرلك يقولى مفيش
دين عندى
قلت يا خالق الملكوت بقى معقول
ده ولدى
وليه يبقى الوطن والدين على الهامش كده
فى وطنى
مين الغلطان مين الجانى مين المسئول
حد يا خلق يجاوبنى
ليست هناك تعليقات:
إرسال تعليق