موال العجب
.................
إحنا ليه بس كده...غاوين نشكك فى بعضنا
ومافيش مده محدده...نبطل نخوض فى عرضنا
حيرنا كل الأفئده......ولا فى حاجه بتردنا
وبنضحك على أحزانا.....شايلين على كتافنا الهموم
والفرح ولايوم زارنا.....طايرين فى ضباب الغيوم
قافلين أبواب ديارنا....بنام بنخاف نقوم
ليه هى كده دنيتنا
ضيعنا ليه رحمتنا
تاهت مننا سكتنا
متأكدين مافى شىء بيدوم
....
واللى فينا فينا
ولا حاجه بتكفينا
لا لقينا بعض فى بر
ولا راسيه لينا سفينه
إمتى نشبك أيادينا
ونبطل نفرح أعادينا
وتتجمع قلوبنا سوى
ونرجع أحلى مالينا....
صلاح الصغير
موال دنيا العجب
ليست هناك تعليقات:
إرسال تعليق