🌱.............ماحدش فينا اختار يكون غريب
ولايهاجر ويبعد يوم زي الطير
لكن الحال عليَّا كان قاسي
سبت بلدي وأهلي وناسي
ودعت اصحابي وكل حبيب
يمكن ألاقي فِ سفري الخير
قُلت اكافح واكون نَفسي
ولا حديبهدلني ويكسرنِفسي
حبيت اتقدم ويكون لي كيان
حلمت إني أكون حقيقي إنسان
يكون لي بيت وأسره وشُريان
واعدي فى يوم لبر الأمان
لكنه قدر ومكتوب ع الجبين
إن العمرينتهي ف غمضة عين
ويضيع حلم الليالي والسنين
غريق فى البحر بين شطين
إمسحي يا أمي دموعك
ماتبكيش ونوري شموعك
فى الجنه هناك هنتقابل
الحساب عنده هيكون عادل
بحبك يا أمي من كل قلبي
ومش هوصيكِ على حُبي
كوني معاها دايماً ف فَرحها
ماتسبهاش وكوني قُربها
وكإني يا أمي ف الكوشه جنبها
ما انا روحي دايماً هتكون ضلها
وخلي بالك يابويا على اخويا
مهما الفقر يكسرفيكم ويذلكم
ماتسبوش فى البحر زيي يموت
غريق من غير نفس ولاصوت
ورغم اللي حصل واللي كان
روحي هتفضل تحكي يازمان
ماحدش فينا اختاريكون غريب
ولايهاجر ويبعد يوم زي الطير
محمود عبدالخالق....
26/9/2016
شعر حر
ليست هناك تعليقات:
إرسال تعليق