اخرتها ايه يا بلد
الولد فيكى انجلد
الرزق فيكى شحيح
والسرقة فايقه العدد
ياغربتى فيكي
ميت وببكيكي
ساكن ف ارضك خيش
بجري ورا رغيف عيش
واهرب من التلطيش
ليه بس ضلك بخيل
كل اما شوفه يخيل
وناس كتير بتعيش
وبتعلى بالتطبيل
بهرب انا م الخوف
من فقر قد الشوف
من ظلم جوه الجوف
وانتى تزيدي الجفا
تنسى وعود الوفا
ترمى فى وشي سيوف
ياغربتي فيكي
جفت اراضيكي
ولا قادر ارضيكى
يابهيه توبك داب
واتفرقوا الاحباب
فاتحه لنا كشف حساب
ان احنا فوقنا يوم
قفلتى ليه الابواب
راميه علينا اللوم
قولي لنا ايه الاسباب
دا الولد لما هرب
البحر قام ضمه
واحنا ولينا العجب
ارتاح ... ياكبد امه
......
»«((طلعت عامر ))»«
ليست هناك تعليقات:
إرسال تعليق