(حكم الظالم)
---------------------
ياللي بترفع في الأسعار
انت ومثلك م التجــــــــار
كل جنيه بالظلم جمعتــه
راح يأكل جلدك ف النار
-----------------------
خلي ف عيــنك حبة دم
حس غلابه دموعهم هم
حس بكسرة نفس عفيفة
شايفه الذل وطافحه السم
---------------------
ناس بتقضي عشاها بنوم
حكم الظالم ع المظلـــوم
خليك عايش جوا غبائك
وبتتخفى ف حج وصوم
-------------------
كل الدهر يومين اتنين
واخر القهر دموع العين
واعلم وادرى بإن الفقرا
داعية عليك وليوم الدين
حكم الظالم ع المظلوم
عمره قصير مش بيدوم
-------------------
جابر سليمان// السبت ٢٤ سبتمبر٢٠١٦
ليست هناك تعليقات:
إرسال تعليق