وأيه يعنى لما نموت
مدام عايشين كدا ف سكوت
وأيه يعنى شباب فى تبوت
وناس تصرخ بعلو الصوت
مادمنا بنضحك فوق كراسينا
وعارفين أنها لحظه وهتفوت
وناس ساكنه فى كمباوند
وناس مقابرها ليها بيوت
شباب هاجر ومرجعشى
وشباب حاول ومقدرشى
وناس من القهر أهه بتموت
وأم وكان أملها حلم فى ضناها
كان ساكن وسبعه أخواته وياها
قال راحل وكان الحضن آخر حضن
وجا من بعده حضن الموت
كتير بنقول هتتعدل وتصبح عال
يمر اليوم ما بين ميت وبين محروق
وبين غريق على حدودنا هناك متشال
ودى الأحوال هنا معانا
وااااااااااه يانا
سلمت امرى إليك يا صاحب الملكوت
ليست هناك تعليقات:
إرسال تعليق