صوت القلم
أنا مش هبطَل كلام
طول م القلم صوتى
أنا ماشى على سكَتى
حلم الولاد قوتى
هشرب دموع الندم
ولاهرضى بسكوتى
لو حتى كان التمن
حرمانى أو موتى
ساعات دموع القلم
والكلمه بتريَح
لو حتى من غير أمل
بردو الكلام أريح
ومهما طال الليل
بكره النهار له عينين
و المستخبى يبان
و الصوره هتوضَح
والدنيا وقت وزمن
و الظلم له ساعه
متشعلقين بالحبال
و الدنيا متباعه
بقلمى \ محمد العربى
ليست هناك تعليقات:
إرسال تعليق