*** مين اللى خان ***
أيوه دى كانت
كل احلامنا
أيوه هوه ده
كان كلامنا
كنا تواعدنا
نصون الوعد
ونضحى عشان
نكون لبعض
ايوه كانت
ايوه كان
كان سؤالنا
دايما"يكتر
مين بيحب
التانى أكتر
كان هوانا
دايما"يكبر
كان معانا
أغلى وأكبر
عمره ما واحد
فينا هان
حبه كان
فى الصعب يحلى
كل مادا
يزيد ويغلى
لا سابنى مره
فى حيره مره
ولا قال كفايه
دى النهايه
وإلا احنا
مش قد الزمان
ما وقفش أبدا"
وهم قصادنا
ولا يوم حزين
فى همه خدنا
ولا سهم عين
جانا وصابنا
كنا بحلو
ومر حياتنا
عاشقين عايشين
فى أمان
كنا اتنين
بقلوب متحده
كل الدنيا
دى كانت شاهده
انه ارواحنا
دى كانت واحده
لا تعذبنا
لا دقنا الوحده
ولا اشتكينا
من الأحزان
أدى الحكايه
من أولها
كاتب وحافظ
تفصيلها
مين يلومك
لما أقولها..؟
وانا ساكت
رافض أكملها
وأقول للناس
مين اللى خان
مين اللى خان
قلم / منتصر حميد
ليست هناك تعليقات:
إرسال تعليق