بعنوان البوص - ويا بوص يا ناشف ما انت كنت أخضر - فض الشباب اديك بقيت أصفر - كام صبيه شوفتها بتتمخطر - علي شط بحر الهوي بتتمنظر - حلت في الصباح شعرها ويا ليل صور - ياتري لسه صورتها - ولا أتغير المنظر - وكانت غاويه تتصور - ما كان كحيل لحظها أحور - يا ما صاب ما خلي وتهور - وأسأل المكحله عن رمشها الاسمر - ويا عيني علي نفسها لما تتدور- قمر في ليلة بدر ومنور - لكها توها زي احراش البوص - أه يازمن زي احراش البوص - التوها فيك أكتر - في الفجر عامل الندي مصابيح ومنور - وفي نور النهار اخضر -مخبي جواك وحوش ومعطر - ومهما روحنا تحوش - حيات المرار اكتر - لا تقول لي زعتر ولا عرر - وسع يا عطار للخريف اكتر - دا احنا كنا وحوش وكان الشباب انور- لكنها مواسم ايام تزرع - وايام تقلع - توب الشباب يا أسمر---------------- وبيقولوا لي احفظ وما تغلطش في الكتابه - طب أزاي - وانا عمري ما عرفت العب ملك وكتابه - في دنيا قلابه --- أكتر ما فيها زغابه - لا اعرف اشاور بخُنصر ولا بسبابه - ويا عيني علي حسنها لكنها كدابه - كل ال مال عليها قال أه يا با - وغني يا ألم علي وتر الربابه - سير بينا ياعم خلينا نوصل في معادنا دا احنا غلابه ------------------------------------------------------------------------- هشام جمال الشهير بعلي الحُسيني -
ليست هناك تعليقات:
إرسال تعليق