استخبي في عيوني
متخافيش
من ناس مفيش
و ان عيوني
بيكي ضاقت
استخبي ف الرموش
كل ذرة في ليكي
مش بعيش
من غير عنيكي
و ان بعدتي عني مره
كيف و ليه
و ازاي
أعيش
و انت ليه اصلا
تخافي
يام قلب كبير
و صافي
و ان لقيتي ندل سابك
فيه كتير
حابين جنابك
و ان لقيتي حد كشر
بصي في وشي البشوش
و اوعي مره يحبطوكي
يشنقوكي و يجلدوكي
دول بقر
م بيفهموش
انت اكبر بالزياده
انت مش بسبوسه عاده
انتي مصر
و هم عادي
دول وشوش مفيهاش
وشوش
انت أصل الصوره لكن
كلهم حبة رتوش
سيد عبد العليم
ليست هناك تعليقات:
إرسال تعليق