كانها يا بت غلطه
و اللي عدي كان أونطه
كنت فاكرك
لسه فاكره
حاجه
م الماضي
لبكره
و اكتشفت انك
خسيسه
لا و كل الحب ناكره
ع العموم
الغدر عادي
ف الزمن ده
و السنه دي
اللي فيها
جنيهنا وطي
و الدولار
جتله الزغطه
دنيا زي الساقيه
ماشيه
و الملك له الف حاشيه
بس مش بتدوم لحد
و الكلام له
ألف رد
و اوعي ف مره يغرك
العبيط
لو نط نطه
بكره راح تنزل
دموعك
قلبي راح يرفض
رجوعك
و ان فرشتي الف ورده
و ان عملتي فيها
قطه
سيد عبد العليم
ليست هناك تعليقات:
إرسال تعليق